නව කොටි නායක ගෝපි යුද හමුදා ප්‍රහාරයකින් මරා දැමේ..

කොටි සංවිධානය නැවත ගොඩ නැගීම සඳහා උතුරු පළාතේ සැලසුම් කරමින් සිටි කොටි සංවිධානයේ නායක පොන්නයියා සෙල්වනායකම් කජිබන් හෙවත් ගෝපි ආරක්‍ෂක අංශ වෙඩි තැබීමකින් ජීවිතක්‍ෂයට පත්ව ඇතැයි ද හමුදා මාධ්‍ය ප්‍රකාශක බ්‍රිගේඩියර් රුවන් වනිගසූරිය මහතා කියයි.

වෙඩි වැදී මිය ගිය අනෙක් දෙදෙනාගෙන් කෙනකු තේවියන් බවත්, තෙවැනි පුද්ගලයා හඳුනාගෙන නැතත් අප්පම් යැයි සැකකරන බවත් වනිගසූරිය මහතා පවසයි.
යුරෝපයේ සිටින කොටිනායක නෙදියවන් සහ විනයාගමන් දෙදෙනා යටතේ ලංකාවේ කොටි සංවිධානයට පෙන පෙවීමට උත්සාහ ගත්තේ මේ දෙදෙනා බවත්, ඔවුන් නැදුන්කර්නි මහ කැලයේ සිටින බවට ලද තොරතුරක් අනුව අද අලුයම කැළය වට කළ බවත්, ඔවුන් පැන යෑමට තැත් කරද්දී යුද හමුදාව වෙඩි තැබූ බවත් යුද හමුදාව සඳහන් කරයි.

ගෝපි නෝර්වේ රාජ්‍යයේ දී නෙදියවන් හමුවී ඔහුගේ උපදෙස් අනුව ශ්‍රී ලංකාවට පැමිණ කොටි සංවිධානයේ නායකයා වී සිටිය දී වැල්වැඩිතුරේ නිවසක දී පොලිස් සැරයන්වරයකුට වෙඩි තබා පළා ගිය බව ද, ඉන් පසු ඔහු අත්අඩංගුවට ගැනීමට තොරතුරක් දෙන අයට තොරතුරක් දෙන බවද ප්‍රකාශ කර තිබිණි.

 
(සුසිල්-බලන)